ব্যক্তিগত খণ্ডৰ বিদ্যালয় বোৰৰ শিক্ষক সকলৰ নিম্নতম দৰমহা

চৰকাৰৰ শিক্ষা বিভাগে এটা অতি দৰকাৰী সিদ্ধান্ত - ব্যক্তিগত খণ্ডৰ বিদ্যালয় বোৰৰ শিক্ষক সকলৰ নিম্নতম দৰমহা নিৰ্দ্ধাৰণ সম্পর্কত ল'ব বুলি ৰাজ্যৰ শিক্ষামন্ত্ৰী গৰাকীয়ে জনাইছে । ব্যক্তিগত খণ্ডৰ বিদ্যালয় বোৰৰ শিক্ষক সকলৰ নিম্নতম দৰমহা এইবাৰ  চৰকাৰে নিৰ্দ্ধাৰণ কৰিবলৈ আগবাঢ়ি আহিছে । এইটো এফালৰ পৰা অতি ভাএল কাম হ'ব । কাৰণ ব্যক্তিগত খণ্ডৰ বহু বিদ্যালয়ত শি‍ক্ষক সকলৰ দৰমহা অতি নিম্ন পৰিমানৰ আৰু এজন সাধাৰণ শ্ৰমিকৰ  দৈনিক হাজিৰাৰ চাৰিভাগৰ এভাগো নহয় ৷ এই সকল শি‍ক্ষকে পুৱা ৮ বজাৰ পৰা পাঠ দান কৰি চুটিৰ পিচতো বিদ্যালয়ত কাম কৰে বা বন্ধৰ দিনতো বিভিন্ন কার্যসূচীৰ কাম কৰিবলৈ বাধ্য ৷ এইটো শিিক্ষত মানৱ সম্পদৰ ডি‍-ভেলুৱেশ্যনৰ দৰে হৈ আছে ৷ 

আনফালে আকৌ এটা ডাঙৰ সমস্যা আহিব । ব্যক্তিগত খণ্ডৰ  বিদ্যালয় বোৰৰ ভিতৰত  শিশু শিক্ষা সমিতি, অসমৰ অন্তৰ্গত প্ৰায় ৫০০ বিদ্যালয় অসমত আছে আৰু সেইবোৰ বিদ্যালয়ৰ শৈক্ষিক মাচুল Xavier, Convent, DonBosco আদি বিদ্যালয় বোৰৰ দৰে নহয় । এই বিদ্যালয়বোৰ কোনো profit making business ও নহয় আৰু ইয়াত সংগ্ৰহ হোৱা শৈক্ষিক মাচুলৰ প্ৰায় ৮০% বা তাতোধিক শিক্ষক -কৰ্মচাৰীৰ মানধন দিয়াত ব্যৱহাৰ হয় । বাকী ১০/২০% বিদ্যালয়ৰ দৈনন্দিন বা মাহেকীয়া খৰছত ব্যৱহাৰ হয় । এই বিদ্যালয় সমূহত সাধাৰণতে সাধাৰণ দৈনিক বা মাহেকীয়া উপাৰ্জনৰ অভিভাৱক সকলে তেওঁলোকৰ সন্তান সকলক পঢ়ায় আৰু বিদ্যালয় সমূহৰ ফলাফল অতি‍ উচ্চ মানৰ হৈ আছে  । তেওেঁলাকৰ এনে বহু বিদ্যালয় আছে ,  যি বোৰৰ ছাত্ৰ ছাত্ৰী সংখ্যা ২৫০/৩০০ ৰ ভিতৰত আৰু প্ৰাথমিক পৰ্যায়ৰ পৰা উচ্চমাধ্যমিকলৈ  সকলো শ্ৰেণী থকাত শিক্ষকৰ সংখ্যাও প্ৰয়োজন মতে আছে বা থাকিবলৈ বাধ্য । শিশু শি‍ক্ষা সমিতিৰ এই বিদ্যালয় সমূহৰ অভিভাৱক সকলে আন ব্যক্তিগত খণ্ডৰ বিদ্যালয় বোৰৰ দৰে  পৰ্যাপ্ত পৰিমাণৰ মাচুল দিয়াটো সম্ভৱ নহয় । তেনে অৱস্থাত চৰকাৰৰ সিদ্ধান্তই যে‍ শিক্ষা জগতত  এটা ডাঙৰ বিসংগতি  আনিব সে‍ই কথাটো প্ৰায় খাটাং । 

এই সিদ্ধান্ত  কৰোতে   Xavier, Convent, DonBosco আদি বিদ্যালয়বোৰেই অসমৰ শিক্ষা খণ্ডত পুনৰ মূখ্য  ধ্বজাবাহক  হ'বলৈ আগবাঢি‍ব সেইটো হয়তো  খাটাং । ৰাইজৰ দৃষ্টিৰে চৰকাৰৰ তৰফৰ পৰা  শঙ্কৰদেৱ, জাতীয় বিদ্যালয়বোৰৰ শ্মশান যাত্ৰাৰ ব্যৱস্থাৰ বাবে‍  তৎপৰ  হোৱাৰ দৰেই বি‍ৰূপ প্ৰভাৱ হয়তো পৰিবগৈ  । এই সমগ্ বিদ্যালয় সমূহত  আওল লাগিব, যিটো এক বুমেৰাং সদৃশ হ'ব পাৰে‍ । অতি সম্প্ৰতি জনামতে চৰকাৰে অহা কেইটামান দিনত বহু চৰকাৰী বিদ্যালয় হয় বন্ধ কৰিব বা অন্য বিদ্যালয়ত জাপি দিয়াৰ ব্যৱস্থা কৰিছে ৷ যোৰহাট নগৰতে বোধহয় আঠখন মান এনে বিদ্যালয়ৰ  তালিকা চৰকাৰৰ ঘৰৰ পৰা বিদ্যালয় পৰিদর্শকলৈ আহিছে আৰু দুই এদিনত সেইবোৰ সংশ্লিষ্ট বিদ্যালয় সমূহক অৱগত কৰা হ'ব ৷ কথা হ'ল এই বিদ্যালয় বোৰত কোন শ্ৰেণীৰ ছাত্ৰ-ছাত্ৰী পঢে় ? মই তেনে এখন বিদ্যালয়ত চৰকাৰৰ ইচ্চাত জডি়ত হৈ বুজিলোঁ যে এই বিদ্যালয়ৰ ভৱিষ্যত নায় ৷ কাৰণ দশম শ্ৰেণীত দুজন ছাত্ৰ আছে যি এই সমগ্ৰ শৈিক্ষক বর্ষটোত পোন্ধৰ দিন বিদ্যালয়লৈ আহিছে ৷ অপ্ৰাণ চেষ্টাৰ বলতো ছাত্ৰ ছাত্ৰীক বিদ্যালয়ত উপস্থিত ৰাখিব পৰা নায় ৷ ষষ্ঠৰ পৰা দশমলৈ ৫০ জন ছাত্ৰ-ছাত্ৰী থকা বিদ্যালয়খনত প্ৰধান শি‍ক্ষক লৈ মাত্ৰ  ৫ জন শি‍ক্ষক ৷ তাৰে দুজন ঠিকা ভিত্তিত আছে আৰু এগৰাকী অহা বর্ষত অৱসৰ ল'ব ৷ ১০০ বছৰ অতিক্ৰম কৰা অতি‍ নামথকা বিদ্যলয় খনৰ প্ৰতিগৰাকী শি‍ক্ষকক মই ব্যক্তিগতভাৱে পাই জানিছো যে তেওেঁলাকৰ শি‍ক্ষা দানত যথেষ্ট আগ্ৰহ আছে আৰু ৮-৩০ ৰ ভিতৰত সকলো বিদ্যালয়ত নিয়মিত পাঠদানৰ বাবে  উপস্থিত হয় ৷ হৰিজন ক'লনি , লতিফ ক'লনিৰ ছাত্ৰ-ছাত্ৰীৰে চলি থকা এই বিদ্যলয়লৈ অহা সকলৰ মাক বাপেকৰ ব্যক্তিগত কাম বা ব্যৱসায়ত সংপৃক্ত হোৱাটো মুখ্য কথা আৰু বিদ্যালয়ত অহাটো অতি গৌন কথা ৷ অতি পৰিস্কাৰ পৰিচন্ন আৰু ব্যৱস্থিত বিদ্যালয় খনৰ প্ৰকাণ্ড চৌহদটো আৰু শি‍ক্ষাৰ প্ৰতি অনিহা প্ৰকাশ কৰা নগণ্য ছাত্ৰ-ছাত্ৰী কেইটা দেখি মোৰ বুকু হমহমাই যায় ৷ কাৰণ মই ২০০৫ বর্ষৰ পৰা অহৰহ শি‍ক্ষানুষ্ঠান এখনৰ সৈতে জডি়ত থাকি আৰু সুন্দৰ ফলাফল দেখি অহাৰ পিচত এই পৰিবেশে মোক ব্যথিত কৰি তুলিছে ৷ মই এখন ফিডাৰ স্কুলৰ প্ৰস্তাৱ ইতিমধ্যে যথাস্থানত দিছোঁ ৷ যাতে আগৰ ঐতিহ্যৰ কিয়দাংশ হ"লেও ওভতাই আনিব পৰা যায় ৷ 

এইবোৰ কথালৈ লক্ষ্য ৰাখি ব্যক্তগত খণ্ডৰ সৰু বিদ্যালয় বোৰক ফলাফলৰ ভিত্তিত চৰকাৰে যদি এটা বার্ষিক অনুদানৰ ব্যৱস্থা কৰে তেনে সাধাৰণ ৰাইজ তাৰপৰা উপকৃত হ'ব ৷ তাৰবাবে ব্যক্তিগত খণ্ডৰ বিদ্যলয়বোৰ কোনো বেচৰকাৰী স্বেচ্চাসেৱী সংস্থাৰ অন্তর্গত থকা, শি‍ক্ষক সকলৰ ভৱিষ্যনিধি, কর্মচাৰী ৰাজ্যিক বীমাৰ ব্যৱস্থা আদি‍ থকা , এশ শতাংশ ভাল ফল প্ৰদর্শণ কৰা আদি নিশ্চিত কৰাৰ নিয়ম কৰিব লাগে ৷এনে কৰাত শি‍ক্ষক, বিদ্যালয় আৰু সাধাৰণ ৰাইজ সকলো উপকৃত হ'ব ৷ আমি এই বিষয়টোত শি‍ক্ষা মন্ত্ৰী মহোদয়ৰ দৃষ্টি আকর্ষণ কৰিলোঁ আৰু চৰকাৰৰ যি সমূহ বিদ্যালয়ত ছাত্ৰ-ছাত্ৰীৰ সংখ্যা নগন্য অথচ শি‍ক্ষক আছে তেনে বিদ্যালয়ত বেচৰকাৰী স্বেচ্চাসেৱী সংস্থাৰ অন্তর্গত ফিডাৰ স্কুল খোলাত আৱেদনৰ ভিত্তিত অনুমতি দিবৰ বাবে আহ্বান জনালোঁ ৷  অন্যথাই ডাঙৰ স্কুল হয়তো তিষ্ঠিব, কিন্তু শঙ্কৰদেৱ, জাতীয় বিদ্যালয়ৰ দৰে ভাল ভাল ফল দিয়া বিদ্যলয় সমূহ  তিষ্ঠি থকাটো সহজ কথা নহ'ব ।