GOD MAN আৰু আমি ভাৰতীয়

এচাম ধুৰন্ধৰ মানুহৰ বাহুবল আৰু ৰাজনৈতিক ক্ষমতাৰ অপব্যৱহাৰৰ সৃষ্টিত দেশত এনেকুৱা GOD MAN তৈয়াৰ হয় । ৰাম ৰহিম এটা সৰু উদাহৰণ বুলিয়েই মোৰ বিশ্বাস হয় । হেজাৰ হেজাৰ কোটিৰ সম্পদ আহৰণ কৰি এটা সমান্তৰাল ক্ষমতাৰ কেন্দ্ৰ তৈয়াৰ কৰা এই সকলক চৰকাৰী ভাবে ৰক্ষণাবেক্ষণ দি Z+ Security প্ৰদান কৰা সকল আচলতে কোন তাৰো এক পৰ্যাপ্ত তদন্তৰ প্ৰয়োজন আছে । ৰাজস্থান , হাৰিয়ানাৰ দুজনমান লোকৰ পৰা জানিবলৈ পালো যে পৰিয়াল লৈ দৰ্শন কৰিবলৈ যোৱা বহু লোকে এই GOD MAN ৰ দোকানত নিজৰ সুন্দৰী পত্নীক এৰি আহিব লগা হয় । সেইটো তেওঁৰ মৰ্জিৰ ওপৰত কথা । হেজাৰ হেজাৰ এনে ভগ্নীয়ে নিজৰ জীৱন বৰ্বাদ কৰি দিলে এই পিশাচ হঁতৰ হাতত । শেষত যেনিবা কোনো সাহসী ভগ্নী ওলাল আৰু বৰ্তমান চৰকাৰৰ সেইখিনি সদিচ্ছা হ'ল যে প্ৰচণ্ড প্ৰতিৰোধ ব্যৱস্থা দি এটা GOD MAN ক আইনৰ হাঁতোৰাৰে আবদ্ধ কৰিলে । তেনে এটা এসময়ত আছিল ৰাজনিশ ।

এই মানুহ জনৰ নাম দেখি অনুমান কৰিব পাৰি যে ই এটা মহা ভণ্ড যি ধন আৰু বাহুবলেৰে অসংখ্য গুণ্ডাক শিষ্য কৰিবলৈ সক্ষম হৈছিল । GOD MAN ক আকৌ AK47 আৰু আন অস্ত্ৰৰ প্ৰয়োজন কিয় হয় ? কিয় Z+ লাগে ? চৰকাৰে এইবোৰ কথা অনুভৱ নকৰে নেকি ? নে ৰাজনৈতিক সুবিধাৰ আশাত সিহঁতৰ দৰে কুলাঙ্গাৰৰ পদজল সেৱন কৰে ?

চৰকাৰ সমূহৰ বিচাৰ পদ্ধতি বৰ উদ্ভৎ । একোজন মানুহ কেৱল GOD MAN হৈ পৰ্বত সম সম্পদ আহৰণ কেনেকৈ কৰে সেয়া  কি জনাৰ একো উপায় নাই ? একোজন ৰাজনৈতিক নেতাই হেজাৰ হেজাৰ কোটিৰ সম্পদ দহ বাৰ বছৰত কেনেকৈ কৰে সেয়াও কি জনাৰ কোনো উপায় নাই ? সকলো উপায় আছে চৰকাৰৰ হাতত । কিন্তু ক্ষমতাক নিজৰ টিকাৰ তলত ভৰাই ৰখাৰ অদম্য স্পৃহাই তেওঁলোকৰ মুখ বন্ধ কৰি ৰাখে । প্ৰচুৰ ধন সম্পদৰ অধিকাৰী হোৱাৰ পিছত মানুহ-দল-সংগঠনক কিনা সেইসকলৰ বাবে অতি সামান্য কথা । কাৰণ ভাৰতৰ দৰে এখন বিশাল দেশত সকলোতকৈ ডাঙৰ অভাব হ'ল নৈতিকতাৰ । যিটো তথাকথিত ৰাজনৈতিক দল-সংগঠনত নিতান্তই অভাৱ । আৰু দেশৰ মধ্যবিত্ত , নিম্ন মধ্যবিত্ত সকলৰ মাজত ? তেওঁলোকৰ সমস্যা Status বৰ্তাই ৰখাৰ বাবে জোৰা তাপলি মৰাৰ বাবে যোগাৰ , আৰু অলপমান আৰামৰ যোগাৰ !! সজ কৰ্ম কৰি উপাৰ্জন নকৰা এই সকলৰ মনৰ অৱস্থা Multi level marketing ৰ সেই Sky is the limit ৰ দৰে । সপোনকো বাস্তৱ কৰাৰ এটা পদ্ধতি থাকিব , সক্ষমতা থাকিব নেলাগিব জানো ? এই কথাটো উপলব্ধি নকৰাকৈ sky চুবলৈ নিজৰ প্ৰতিষ্ঠিত কৰ্ম এৰি বহুতো লোকক ভিক্ষাৰী হোৱাও দেখিবলৈ পালোঁ । একেই অৱস্থা সহজ পণ্ঠাৰে কোটিৰ পতি-পত্নী
হ'বলৈ প্ৰযত্ন কৰি বিপদত পৰা লোক । তেওঁলোকৰ সৰহ সংখ্যক কিন্তু ক্ষমতাৰ কেন্দ্রৰ পৰা inspired হয় আৰু ৰক্ষণাবেক্ষণ লাভ কৰে । ফল GOD MAN, GOD POLITICIANS ৰ জন্ম । তেওঁলোকৰ Z+ প্ৰয়োজন হয় , যি মনযায় কৰাৰ বাবে এৰি দিয়া হয় । তেওঁলোকৰ লাখ লাখ সমৰ্থক সৃষ্টি হয় বুলি ভাবো । আচলতে সেই সকলৰ গোট সমূহৰ নেতৃত্বক বিভিন্ন সা-সুবিধা দি পোহা হয় । এইসকলৰ তত্বাৱধান আৰু পালনত এক শ্ৰেণীৰ অন্ধ সমৰ্থকৰ সমস্তি তৈয়াৰ হোৱাটোৱেই GOD MAN, GOD POLITICIANS সকলৰ কৃতিত্ব নিৰ্ভৰশীল । কোনে কিমান সমৰ্থক একত্ৰিত কৰিব পাৰে তাৰ ওপৰতে তেওঁৰ প্ৰভাৱ , ক্ষমতা নিৰ্ভৰ । এনেকৈয়ে দেশ চলে আৰু সেয়ে অধিকাৰী চৰকাৰী বিভাগৰ কৰ্মচাৰী সকলো বাধ্যত পৰি তেওঁলোকৰ শৰণাপন্ন থাকে । কোনেও একো নেদেখে । এনেকৈয়ে অত বছৰ গ'ল ।