ধর্ম যুদ্ধত কাৰ পক্ষ ল’ব সিদ্ধান্ত লওঁক




গাওঁ আৰু চহৰৰ পৰিসংখ্যাৰ পৰিবর্তন হ'ল আৰু সেয়ে দেশৰ মানুহৰ মনবোৰ সমানে বিভক্ত হৈ পৰিল ৷ আগতে ভাৰতৰ ৭০ শতাংশ লোক গাওঁ অঞ্চলত বাস কৰিছিল । গতিকে কথা আৰু কামৰ মাজত পার্থক্য থকা, অর্থাত- এমুখীয়া মানুহৰ সংখ্যা কমেও মুঠ জনসংখ্যাৰ ৬০% আছিল ৷ এতিয়া চহৰ আৰু গাওঁৰ পৰিসৰ ভাৰততো ৫০-৫০ হ’ল আৰু দুইমুখী মানহৰ সংখ্যা ৭০ শতাংশৰ বেছি হ’ল ৷ আমাক এখন ভাল চৰকাৰ লাগে, ভাল সমাজ লাগে, ভাল সংস্কাৰ লাগে, ভাল শি‍ক্ষা লাগে, ভাল প্ৰচাৰ মাধ্যম লাগে, ভাল খাবলৈ লাগে ইত্যদি ইত্যাদি ৷ যি সকল লোকক ভাল লাগে‍ই তেওেঁলাকৰ মনত এই ভাল বিলাকৰ সংজ্ঞা কিন্তু সুকীয়া সুকীয় ৷ কাৰণ তেওেঁলাকে কোৱা আৰু ব্যক্তিগত জীৱনত কৰা কামৰ মাজত নিৰন্তৰ পাৰ্থক্য আছে ৷ নিজৰ ভাষা সাহিত্য ৰক্ষাৰ কথা ক'ব কিন্তু লৰা ছোৱালী কেইটা ইংৰাজীত পঢ়াব । এটা উদাহৰণ দিলো মাত্ৰ ।   আজি বামপন্থ‍ি সকলে চৰকাৰৰ সকলো কামৰ সমালোচনা কৰে , কিন্তু চৰকাৰৰ পৰা সাহিত্যিক , সাংবাদিক পেঞ্চনৰ বাবে আবেদনো কৰি তাৰবাবে তৈলমৰ্দন কৰে  ৷ সজ চিন্তা প্ৰকাশ কৰে, কিন্তু নিজৰ বিদ্যালয়ৰ নামত কলেজৰ লৰা আনি Tournament খেলে ।  বিধান মণ্ডলীয়ে চৰকাৰৰ বিধায়ক – সাংসদ সকলৰ দৰমহা আৰু আন সুবিধা বৃদ্ধিৰ প্ৰস্তাৱ প্ৰতি বছৰে পাছ কৰে ৷ কোনোবা বিভাগত বছৰ বছৰ ধৰি কৰা সেৱাৰ বিপৰীতে দৰমহা নেপাই আত্মহত্যাও কৰে ! তেওঁলোকৰ কোনেও কিন্তু সাধাৰণ জনতাৰ বাবে সুবিধা হোৱা কাম নিজৰ দৰমহা বৃদ্ধিৰ দৰে  খৰ গতিত নকৰে ৷ সভাই সমিতিয়ে সমাজৰ কল্যাণৰ কথাই কয় ৷ কিন্তু চৰকাৰী আঁচনিৰ ৰূপায়নৰ ধন তেওেঁলাকেই বিষয়াৰে মিলি‍ আত্মস্যাৎ কৰে ৷ এইটো সম্ভৱ হয় গ্ৰাম্যাঞ্চলৰ এমুখীয়া মানুহৰ পৰা নহয় ৷ এয়া দুমুখীয়া লোকৰ পৰা সম্ভৱ হয় ৷ কাৰণ চহৰমুখী মানুহৰ মাজত শিিক্ষত লোকৰ সংখ্যা বেছি হয় বাবেই সেই সকলৰ মাজত ধূর্ত লোকৰ সংখ্য বেছি ৷ সেয়ে তথাকথিত বুদ্ধিজীৱি সকলক লৈ সমাজ বা দেশ উপকৃত কেতিয়াও নহয় ৷ আমি যোৱা ২০ বছৰে উত্থাপন কৰা বহু বিষয় এতিয়া আমাৰ চিন্তাৰ আওঁতাৰ বাহিৰত ৰাখিছোঁ . কাৰণ দুর্বল অৱস্থাত আমি জনসাধাৰণৰ কাষে কাষে ঘুৰোতে যি উপলব্ধি প্ৰকাশ কৰিছিলোঁ , সেয়া আমি কার্য‍েক্ষত্ৰত এতিয়া বলবৎ কৰিব নোৱাৰো ৷ ৰূঢ় বাস্তৱ আৰু আমাৰ মনৰ আকাঙ্খ্যা তেনেই সুকীয়া ৷ এই কথাবোৰ আমি নিজৰ মনক যদি এবাৰ মনে মনে সোধো, মনে হয়তো সোঁৱৰাব ৷ বাহিৰত প্ৰকাশ নকৰিলেই হ’ল ! সংগঠন বোৰৰ স্পষ্ট স্থিতিৰ অভাৱত আজি আমি সমস্যা জর্জৰ ৷ এনেকৈয়ে যাব দিনবোৰ ৷ যি হৈছে ভাল হৈছে বুলিয়েই লোৱাৰ লগে লগে আমি বিষয়বোৰ নিজৰ মনত আৰু দল সংগঠনৰ মজিয়াত পর্য্যালোচনা কৰা বৰ দৰকাৰ ৷ এতিয়া কংগ্ৰেছ ক্ষমতাত নাই ৷ তেওঁলোকেও বিগত দিনৰ কর্মৰ পর্য্যালোচনা কৰিব লাগিব আৰু মহাভুল সমূহ, অপকর্ম সমূহ স্বীকাৰ কৰি ল’ব লাগিবই ৷ অন্যথা তেওেঁলাকৰ সংকোচন আৰু অধিক হ’ব আৰু এটা সময়ত ইতিহাস হৈ পৰিব ৷ ভাজপাৰ ক্ষেত্ৰতো কিন্তু কথা একেটাই ৷ পাহাৰ বগোৱাৰ অনেক কষ্ট তেওেঁলাকৰ উপলব্ধিতো আছে ৷ ওখ পাহাৰৰ পৰা সৰি পৰিলে হোৱা আঘাটৰ কথাও তেওেঁলাকৰ উপলব্ধিত আছে ৷ ভাৰত ৰত্ন অটলজীয়ে দেশক পাঁচটাবছৰ এখন সুন্দৰ সফল চৰকাৰ দিয়াৰ পিছত কাৰো কেতিয়াও মনত অকণমান চিন্তা নাছিল যে পুনঃ কংগ্ৰেছৰ চৰকাৰ হ’ব ৷ এই যে আজি পাহাৰৰ শিখৰৰ বহু উচ্ছতাৰ পৰা কংগ্ৰেছ সৰি পৰিল তাৰ যন্ত্ৰণা তেওেঁলাকৰ পূর্বসুৰী পাঁচবছৰীয়া এন.ডি.এ. চৰকাৰ সৰি পৰোতে হোৱা কষ্টতকৈ অনেকগুণ বেছি ৷  কোন কিমান ওপৰৰ পৰা পৰে তাৰ ওপৰত জখম নির্ণয় হয় ৷ অনুশোচনাৰ দৰকাৰ আছিল দলত ৷ কিন্তু ৰাজনীতিৰ সামান্য পাঠ হজম কৰিব নোৱাৰা ৰাজপৰিয়ালৰ উত্তৰাধিকাৰীৰ নেতৃত্বত সেয়া সম্ভৱ নহ’ব ৷ সেইটো ভাজপা দলৰ বাবে অহা যুদ্ধত মূলধন ৷ এতিয়াও এচাম নেতাই টিঙৰ পৰা নমা নাই ৷ এই কথা বুজা আৰু নির্ভয়ে স্পষ্ট ৰূপত ক’ব পৰা লোকক চৰকাৰ বা প্ৰচাৰ মাধ্যমে প্ৰশ্ৰয় কেতিয়াও নিদিয়ে বা দিব নোৱাৰে ৷ জনপ্ৰীয়তাৰ শীর্ষত থকা মাধ্যমৰ লোক সকলৰ সংস্থাপক সকল কোন ? সেইটো এটা আমোদজনক চিন্তা হ’ব যদিহে আমি বিষয়টোৰ ভিতৰলৈ ভালকৈ সোমাব পাৰো ৷ এয়া যুক্তিৰে পটিয়ন নিওৱাৰ যুগ ৷ কলি যুগত স্বভাৱত চতুৰ, সম্পদত চহকী আৰু ভাল বক্তা হ’ব নোৱাৰিলে দেশ আৰু দলৰ প্ৰশাসনত কোনো থাকিব নোৱাৰে ৷ চৰকাৰৰ সৌভাগ্য যে বিপৰীত পক্ষত তেনে কোনো প্ৰবক্তা নাই যি চৰকাৰী পক্ষক টক্কৰ দিবৰ ক্ষমতা আছে ৷ সেয়ে এইবাৰ ২০১৯ চনত ভাজপাৰ লক্ষ্য ৩৬০ খন আসন ৷ সেইবোৰ সামৰি আজি হোৱাটচ্ এপত হিন্দীত এটা মেচেজ পালোঁ যাৰ অর্থ তলত দিলোঁ ৷ কিন্তু লগতে এটা আহ্বানো জনালোঁ ৷ পদে পদে নিজৰ কর্মৰ পর্যালোচনা কৰক আৰু জনসমূহৰ কল্যাণ আৰু দুখ কষ্টক ওচৰৰ পৰা লক্ষ কৰি ব্যৱস্থা লওঁক ৷ ইণ্টাৰনেট ব্যৱস্থাই প্ৰচাৰত প্ৰচুৰ ভূমকিা লৈছে আৰু ল’ব ৷ সমান্তৰালভাৱে নিজৰ ভিতৰত বিচাৰ বিমর্ষ কৰাৰ সুযোগো দিব ৷ কোটি কোটি লোকৰ ওচৰলৈ বার্তা যাবলৈ মাত্ৰ এক চেকেণ্ডৰ প্ৰয়োজন ৷    
“ মোডীজী আৰু অমিত শাহে বিপক্ষৰ বিৰোধী সকলক দলত কিয় স্বীকাৰ কৰি লৈছে ? তেওেঁলাকৰ মতে- “যি সকল ধর্মৰ পক্ষত আছে‍ তেওেঁলাকে যুদ্ধৰ আৰম্ভ হোৱাৰ পূর্বে আমাৰ পক্ষত আহিব পাৰে ৷ যি সকল অধর্মৰ পক্ষত আছে তেওেঁলাকে আমাৰ পক্ষৰ পৰা যাব পাৰে ৷-শ্ৰীকৃষ্ণ”
কুৰুেক্ষত্ৰ যুদ্ধত দুটা বিশাল সেনাবাহীনি মুখামুখী হৈ যুদ্ধ কৰাৰ আগত ভগৱান শ্ৰীকৃষ্ণৰ আদেশত যুধিষ্ঠিৰে সকলো যোদ্ধা সৈনিকৰ ওচৰত ঘোষণা কৰিছিল যে কুৰুক্ষেত্ৰৰ যুদ্ধ এক ধর্ম যুদ্ধ ৷ সেয়ে দুই পক্ষৰ সকলো সৈনিক যোদ্ধাই মন দি এই কথা শুনক ৷‍ মোৰ সেনা যোদ্ধা সকলৰ মাজত যদি এনে কোনো লোক আছে , যি ধর্ম আমাৰ প্ৰতিদন্দিৰ পক্ষতহে‍ আছে‍ বুলি বিস্বাস কৰিছে, তেনে সেইসকলে আমাৰ শিবিৰ ত্যাগকৰি প্ৰতিপক্ষৰ শিবিৰলৈ যাব পাৰে ৷ আৰু প্ৰতিপক্ষত (দুর্যোধনৰ সেনাত) থকা কোনো যোদ্ধা-সেনাই যদি‍ ধর্ম আমাৰ  পক্ষতহে‍ আছে‍ বুলি বিস্বাস কৰিছে, তেনে সেইসকলে আমাৰ শিবিৰলৈ আহিব পাৰে ৷ মই তেওেঁলাকক আমণ্ত্ৰণ জনাইছোঁ ৷ যুধিষ্ঠৰৰ এই আহ্বান শুনি দুই পক্ষত কেউফালে নিজম পৰি গ’ল ৷ তেনেতে দুর্যোধনৰ শিবিৰৰ পৰা এখন ৰথ যুধিষ্ঠিৰৰ শিবিৰলৈ আগবাঢি় আহিল ৷ য’ত দুর্যোধনৰ ভাতৃ যুযুত্সু আছিল ৷ তেওঁৰ গমনত দুেৎাধনে কৈছিল- সি যাবই , কাৰণ মাহীআইৰ লৰাহে ৷ তেয়িয়া নকুল- সহদেৱৰ মোমায়েকে দুর্যোধনক কৈছিল – সেইটো কথা নহয় দুর্যোধন, তেওেঁলাকৰ পক্ষতো দুজন মাহীমাকৰ ল’ৰা আছিল ৷ তেওেঁলাক দেখোন এইফালে নাহিল ৷ ধর্ম যুদ্ধত প্ৰতিজন যোদ্ধাৰ নিজৰ ব্যক্তিগত সিদ্ধান্ত লোৱাৰ অধিকাৰ থাকে ৷” আমি আমাৰ দললৈ বিভিন্ন পক্ষৰ পৰা অহা মানুহবোৰক লৈ বিভিন্ন সমালোচনা কৰোঁ ৷ কলি যুগত যুদ্ধৰ সেই নিয়ম যদিও নাই, আমি কিন্তু যুযুত্সু সকলক ২০১৯ ৰ যুদ্ধৰ শংখনাদ্ হোৱাৰ পূর্বে আহ্বান জনাওঁ , আপোনালোকে অহা ধর্ম যুদ্ধত কাৰ পক্ষ ল’ব সিদ্ধান্ত লওঁক ৷ আমি ধর্মৰ পক্ষত আছো বুলি ভবা সকলক আমাৰ সাদৰ আমণ্ত্ৰণ আছে ৷ আৰু যি প্ৰতিপক্ষক ধর্মত থকা বুলি জ্ঞান কৰে, তেওেঁলাকলৈ শুভেচ্ছা আছে ৷ তেওেঁলাকে স্ব-ইচ্ছাই পক্ষ পৰিবর্তন কৰিব পাৰে ৷”

এটা সাংঘাটিক আৱেদন ভাজপাৰ সভাপতি অমিতজী আৰু প্ৰধানমন্ত্ৰী মোডীজী মহোদয়ৰ ৷ কেৱল ৰাইজৰ মনৰ কথাবোৰ সমান্তৰালকৈ দল আৰু কর্মী সকলৰ মাজত চর্চা হওঁক আৰু জনসাধাৰণ উপকৃত হওঁক ৷ চৰকাৰৰ পলিচি আৰু চৰকাৰৰ কর্ম ৰূপায়ণ যন্ত্ৰৰ কর্ম পদ্ধতি বিপৰীতমুখী নহওঁক ৷ সেইবোৰ লক্ষ্য কৰা অতি দৰকাৰ হ’ব ৷ দেশত সৰু, মধ্যম আৰু বৃহৎ সকলো ব্যৱসায়ী থাকক, তেওেঁলাকে অলেখ লোকক কর্ম সংস্থাপন দিয়ক সেইটোত চৰকাৰৰ দৃষ্টি থাকক ৷ অকল বৃহৎ উদ্য‍োগী বা ব্যৱসায়ী দি দেশ চলিলে পুনঃ অসুবিধা হ’ব ৷ টিঙত উঠাৰ পিচত খোপনী মজবুট্ লাগিবই ৷     

Comments

Popular posts from this blog

হে শ্বহীদ , তোমাক সহস্ৰ প্ৰণাম

কৃত্ৰিম বান পানীৰ প্ৰতিৰোধ কোনে কৰিব ?