pkbarooah

 আগৰ জুহালত খৰিৰ জুই আৰু ৰান্ধনী ঘৰত এখন বাঁহৰ চাং বহুতেই চাগৈ দেখিবলৈ পাইছিল। পিছলৈ বোধহয় ১৯৭৪ মানত আমাৰ ঘৰলৈ LPG (Liquified Petroleum Gas) আহিছিল। তথাপিও আমাৰ জুহাল কিন্তু বহুদিনলৈ আছিল। ককা দেউতাৰ আগ্ৰহত নিজাকৈ পকা ঘৰ এটা দেউতাই বনাইছিল যদিও ওফলত খেৰ দি কৰিছিল বাবে অধিক গৰমতো আমাৰ ঘৰটো বৰ আৰামদায়ক আছিল। পাগঘৰ বহু বছৰলৈ কেঁচা আছিল যিটোৰ সৈতে এটা ঢেকীঘৰো সংলগ্ন আছিল। গেছৰ ব্যৱহাৰ অতি কম হৈছিল। কাৰণ খৰিৰ অভাৱ নাছিল আৰু খৰিৰ জুইত কাষ্ট আইৰণৰ কেৰাহীত ৰন্ধা আঞ্জা, মাছ মাংসৰ সোৱাদ সুকীয়া আছিল যি অনন্য। প্ৰেছাৰ কুকাৰ ঘৰলৈ আহিছিল গেছ অহাৰ আগত। তাৰ ৰং বৰণ সুন্দৰ কৈ ৰাখিবৰ বাবে মায়ে তলত মিঠাতেল অকণমান সানি কেৰাচিনৰ জনতা ষ্টভত দিছিল। তেতিয়া ভাতটো কুকাৰৰ বৰ প্ৰিয় হৈছিল। নতুনৰ প্ৰতি আগ্ৰহৰ বাবেই চাগৈ!! সৰুতে মনত থকা কথা এটা নক'লে বেয়া লাগিব বুলিয়েই কৈ দিওঁ আৰু...!! কাঠ খৰিৰ এঙাৰ বোৰ পটাত পিহি তাত জোখ মতে নিমখ অকণমান দি দেউতাই টেমা এটাত ভৰাই থয়। সকলোৱে তাৰেই পুৱা দাঁত মাজে। মই সৰু বাবে কোঁচত বহুৱাই নিজৰ আঙুলিৰে মোক দেউতাই দাঁত ঘঁহি দিছিল। পিছলৈ দন্ত মঞ্জন আহিল আৰু নিজেই ধুব পৰা হ'...

 ৰাজনীতি আৰু ৰাজনৈতিক কৰ্মকাণ্ডৰ সৈতে ১৯৭৯ চনৰ পৰা ওচৰ সমন্ধ হৈছিল। সেই সময়তেই জগন্নাথ বৰুৱা মহাবিদ্যালয়ৰ ছাত্ৰ একতা সভাৰ উপ সভাপতি, পিছত জে বি কলেজ কমাৰ্চ ষ্টুডেণ্ট ফৰামৰ সাধাৰণ সম্পাদক, ডিব্ৰুগড় বিশ্ববিদ্যালয়ৰ বাণিজ্য ছাত্ৰ সন্থাৰ সাধাৰণ সম্পাদক, তৈল ক্ষেত্ৰ সংগ্ৰাম পৰিচালনা সমিতিৰ যুটীয়া আহ্বায়ক আছিলোঁ। প্ৰয়াত পৰম পূজ্য অধ্যক্ষ কৃষ্ণ কাকতি ছাৰে কলেজৰ বিভিন্ন কামত গুৱাহাটীলৈ পঠাবলৈ ধৰাত দিশপুৰতো মন্ত্ৰী সকলৰ সৈতে সম্পৰ্ক হৈছিল। কোনো দলৰেই নোহোৱাকৈ থকাৰ সুবাদতে তেতিয়াৰ পৰা সকলো চৰকাৰৰ দিনতেই সম্পৰ্ক আছিল যদিও ব্যক্তিগত কোনো কামেই কাৰোপৰা আদায় কৰা নহ'ল। ১৯৮৬ চনত কোনো আবেদন নকৰাকৈ চিড কৰ্পোৰেশ্যনত চাকৰি এটা পাই ম‌ই মোৰ পৰম শ্ৰদ্ধাৰ নিয়োগ সহ সঞ্চালক প্ৰয়াত ছাইদুল ইছলাম ছাৰক সুধিছিলো যে এইটো কেনেকৈ সম্ভৱ হ'ল। তেখেতে মন্ত্ৰীৰ ইচ্ছা বুলি কোৱাত মন্ত্ৰী জনৰ ঘৰলৈ গ'লো। তেওঁ মোক যোগদান কৰিলোঁ নে নাই সোধাত ধন্যবাদ দিবলৈকে অহা বুলি কোৱাত গৰজি উঠিছিল। "সেইবোৰ বাদ দিয়া, জয়েন কৰাগৈ" বুলি ক‌ও‍ঁতে মই কৈছিলো যে মই ইণ্টাৰভিউ নিদিয়াকৈ পোৱা কামটোৰ বাবে ধন্যবাদ দিলোঁ আৰু...

 ১৯৪৭ ৰ পিছত একেটা নিস্তেজ ধাৰাত প্ৰবাহিত হৈ থকা চৰকাৰী কাৰ্যকলাপৰ বাবে সংখ্যা নিৰ্ভৰ গণতান্ত্ৰিক ব্যৱস্থাই সৰু ৰাজ্য বোৰক উন্নয়নৰ আ‌ওতাত ল'ব পৰা নাছিল। গুৰুত্বপূৰ্ণ দায়‌ দায়িত্ব সংখ্যা গৰিষ্ঠ সকলৰ ওপৰত নিৰ্ভৰ কৰিছিল। আমাৰ সৌভাগ্য যে ২০১৪ চনৰ পিছত চৰকাৰে উত্তৰ পূবক অষ্টলক্ষ্মী গণ্য কৰিলে আৰু উন্নয়নৰ ধাৰা কি সেয়া এই অনগ্ৰসৰ অঞ্চলৰ ৰাইজৰ বোধগম্য হৈ উঠিল। কেউদিশে কেৱল উন্নয়ন আৰু উন্নয়নৰ কাম। লাহে লাহে এতিয়া জিলাই জিলাই মেডিকেল, ইঞ্জিনিয়াৰিং, বিশ্ববিদ্যালয়ৰ স্থাপনা হ'ব ধৰিছে। ফ্লাই অভাৰ, অভাৰ ব্ৰীজ চাবলৈ চান্দমাৰী যাৰ নেলাগে এতিয়া। কেউফালে মূৰ ডাঙি উঠিছে উন্নয়নৰ ধাৰাই। কম সময়ত আমি আমাৰ আৰু চুবুৰীয়া ৰাজ্যৰ কেউদিশে এপাক মাৰি আহিব পৰা হৈছোঁ এতিয়া। এয়াই উন্নয়নৰ প্ৰচণ্ড গতি...!! সকলো পৰিবৰ্তন হৈছে, সহজ হৈছে, কামবোৰ সহজ হৈছে, অনলাইন হৈছে, ডিজিটেল হৈছে......, আৰু অনেক পৰিবৰ্তন হৈছে!! এইবোৰৰ মাজত আপোনাৰ চৌপাশৰ আন এটা পৰিবেশ আমাৰ বহুতৰে দৃষ্টি গোচৰ হৈছেনে বাৰু। যাৰ অকণমান অনুভৱ আছে সেই সকলে ভাবিবচোন কথাবোৰ!! মতামত ঐচ্ছিক। কাৰণ #মতামত_দিয়াত অসুবিধা অনেক থাকিব পাৰে। সমগ্ৰ বজ...

জ্যোতিষশাস্ত্র অনুসৰি, লগ্নত বৃহস্পতি থাকিলে জাতক বা জাতিকাৰ জীবনত সাধাৰণতে শুভ ফল দেখা যায়। তেনে সৌভাগ্যবান ব্যক্তি জ্ঞানী, বুদ্ধিমান, ধর্মপৰায়ণ হয় আৰু তেনে ব্যক্তিৰ জীবনত উন্নতি ও সমৃদ্ধি অহাৰ সম্ভাবনা থাকে। সংস্কৃতত এটা শ্লোক আছে য’ত কৈছে "किं कुर्वन्ति ग्रहाः सर्वे यस्य केन्द्रे बृहस्पति ।" এই শ্লোকৰ মান্যতা কাকতত দিয়া দৈনিক ৰাশিফলৰ দৰে গড় ফলাফল মাত্ৰ। লগ্নত বৃহস্পতিৰ শুভ ফলবোৰ কি ? : #জ্ঞান_আৰু_বুদ্ধি : লগ্নত বৃহস্পতি থাকাৰ কাৰণে জাতক বা জাতিকাৰ জ্ঞান, বুদ্ধি আৰু প্রজ্ঞা বৃদ্ধি পায়। #ধর্ম_আৰু_আধ্যাত্মিকতা : তেনে লোক ধর্ম আৰু আধ্যাত্মিকতাৰ প্রতি বেচি আকৃষ্ট হয় আৰু সজ কৰ্মত লিপ্ত থাকে। #সাফল্য_আৰু_উন্নতি : তেওঁলোকৰ জীবনত উন্নতি, সমৃদ্ধি আৰু সাফল্যৰ সম্ভাবনা বেছি থাকে। #শুভ_সম্পর্ক : তেওঁলোকৰ ভাল সংগ আৰু সু-সম্পর্ক থাকে। #সুখ_শান্তি : বৃহস্পতি বলবান থাকিলে জাতকৰ জীবনত সুখ-শান্তি বৃদ্ধি পায়. #আয়_বৃদ্ধি : বৃহস্পতি বলবান থাকলে আয় বৃদ্ধি হ’ব পাৰে। ( জন্মৰ সময়ত গ্ৰহটোৰ ডিগ্ৰীৰ ওপৰতো তাৰ বল নিৰ্ভৰ।) অন্যান্য প্রভাব: #কামৰ_প্রতি_মনোযোগ : তেওঁলোকে তেওঁলোকৰ কামৰ প্ৰতি প্রতি ...

কেতিয়াবা বাৰু আপোনাৰ মনলৈ এক দোধোৰ মোধোৰ অৱস্থা নাহে নে- "উত্তম, অতি উত্তম আৰু সৰ্বোত্তম"-ৰ সিদ্ধান্ত বিচাৰি!! চিন্তা নাহে নে যে ৰাজহুৱাকৈ আপুনি প্ৰকাশ কৰা চিন্তাই সমাজৰ সাধাৰণ লোকক উপকৃত কৰিব বা ই সমাজক বিপথে পৰিচালিত কৰি আপোনাক ব্যক্তিগত ভাবেহে লাভৱান কৰিব !! কেতিয়াবা চিন্তা হয়নে যে আপোনাৰ সন্মুখতে হোৱা কোনো ঘটনাৰ সম্পূৰ্ণ বিপৰীত এক বাৰ্তা দি কোনোবাই ৰাইজৰ ধ্যান আকৰ্ষণ কৰাত সফল হয় !! এই কথাবোৰ ভাবি মই কিন্তু প্ৰায়েই বিতত হ‌ওঁ। আচলতে এনে কিয় হয় ? সুৰ্যৰ সোণোৱালী কিৰণৰ প্ৰলেপ লোৱাৰ সময়ৰ পৰা সূৰ্যাস্তৰ নিবৃত্তিৰ সময়লৈ আমি সত্য অনুভৱৰ আৱৰণত প্ৰলেপ সনাৰ অভ্যাসেই জানো আমাক এনে অৱস্থালৈ লৈ যোৱা নাই !! সিদিনা এগৰাকী প্ৰসিদ্ধ সাহিত্যিকৰ এজন ৰাজনৈতিক নেতালৈ লিখা পত্ৰ এখনৰ সাৰাংশ শুনি মনটো আৰু অধিক দোমোজাত পৰিল। সমাজৰ হৈ, সমাজৰ হিতাৰ্থে অহৰহ চিঞৰি থকা ব্যক্তি এজনলৈ লিখা পত্ৰখন সঁচাকৈয়ে এখত অতি গুৰুত্বপূৰ্ণ চিঠি। মায়ে কৈছিল "ওপৰলৈ পানী চতিয়ালে নিজৰ গাত পৰিব‌ই পৰিব।" আমি আক্ৰমণৰ খাতিৰত আক্ৰমণ কৰি নিজৰ স্থিতি শক্তিশালী কৰিব পাৰোঁ জানো?? বৌদ্ধিক জগতকো কেতিয়াবা আক...

            প্ৰায় সকলোৰে আদৰৰ মহা মূল্যবান সোণকণ আহৰণ কৰিবলৈ কিমান কষ্টকৰ সেয়া জানেনে? মধ্যমীয়া খনিত হেনো প্ৰতি টন আঁকৰ পৰিস্কাৰ কৰি ০৪/০৬ গ্ৰাম মাত্ৰ সোণহে উদ্ধাৰ কৰা হয়। এই যে কষ্ট সাধ্য কামটো কৰাৰ বাবেই আমি জাকত জিলিকি উঠাৰ সুযোগ পাওঁ, তেতিয়া আমি জানো উপলব্ধি কৰিবৰ প্ৰয়োজন হয় যে কোনোবাই গভীৰ ভূখণ্ডত অত্যন্ত পৰিশ্ৰম কৰি আমাৰ বাবে সেয়া উদ্ধাৰ কৰি আনিছিল!! চৌদিশে দেখা পোৱা আৱৰ্জনাৰ মাজতো ক'ৰবাত কাৰোবাৰ হাতৰ বা কাণৰ পৰা সুলকি যোৱা সেই অমূল্য ধাতুৱে তাৰ মসৃণতা হেৰুৱাই নেপেলায়। কাৰণ সেয়া #সোণ । আমি বিশ্বাস ৰাখিব লাগিব। শত কৌটি কিলোগ্ৰাম আৱৰ্জনাৰ মাজতেই সেই অমূল্য ধন প্ৰাপ্তিৰ স্থান, প্ৰকৃতিৰ অৱদান। নিৰাশাৰ গহ্বৰত নিশ্চুপ হৈ শিৰ নত কৰি জীৱন ব্যতীত কৰিলে তাৰ সন্ধান জানো ওলাব !! সময়ক, প্ৰকৃতিয়ে লেপি থৈ যোৱা বতাহ জাকক অৱজ্ঞা কৰি অভিজ্ঞতা বোটলা সম্ভৱ জানো? মেঙ্গালুৰুত থকা ভাইটীটোৱে সাগৰীয় মাছ বোৰ, চন্দা মাছবোৰ দেখি ইয়াত পোৱা #ককিলাৰ #বৰালী , #লুইতৰ_ৰৌ_বাহুলৈ মনত পেলাই দুখ প্ৰকাশ কৰিছে। তাকে শুনি আমাৰ পৰিবাৰে শোণিতপুৰৰ #জিয়া_ভৰলীৰ #শিলঘৰীয়...